07-Jun-2021
Ka Hynñiewtrep Youths'Council (HYC) lyngba ka HYC Shillong City, hadien ba ka Seng ka la ioh jingtip iaka jingthmu bad iaka jingwan tuid ki nongshong iew, kiba kynthup naduh ki nongdie madan kiba die jhur, die soh, die jaiñ,die kwai dong, ki nongkitnong,driver kali bad kiwei kiwei naduh Anjalee, Iewduh, Motphran shaduh stand bhoi.Ka Seng ka la hiar mar mar ban noh jingiarap da ki marbam Kum u khaw,Phan,piat sha palat 1000 duna ki nongshong iew mynta ka sngi ka 7tarik bnai June, hadien ba kine ki riewpaidbah kiba shu shaniah tang naka iewduh naka bynta ban Kamai ja kpoh. Ki la kynduh ha ka khim khait bad mad jingeh shibun eh ha ka bam ka dih na Kane ka jingkhangdam ba la palat shibnai kynthih khlem kino kino ki lad jingiarap naka Sorkar, kaba la pynbor syndon iaki ba Kim banse shuh ban mih jubor naki iing ki sem Jong ki hapdeng ka jingkhangdam, naka bynta ban sdang wan die noh iaki mar ki mata Jong ki ha iewduh.