29-May-2021
Ka Hynniewtrep Youths' Council- Shella Area Unit kum shi bynta ban ia snohkti lang ha ka jingiakhun pyrshah ia kane ka Khlam Covid-19 kaba lah wan ban ktah ia ka dong ka thain ruh kumjuh, mynta ka sngi ka 28 tarik u bnai Jymmang, ka lah leit ai sngewbha da 2 tylli ki kor (pump) synreit dawai ha Shella PHC na ka bynta ban pyndonkam ha kane ka jaka ai jingsumar. Ia kitei ki tiar lah aiti ha u Doctor in-charge ka PHC da ki Nongialam bad ki dkhot ka Seng.
Ha kane ka sngi na ka liang ka Seng ka la ioh ruh ban leit ai jingiarap da ki mar bam sha ki 52 tylli ki longing hapoh Shnong Shella ha ki 10 tylli ki Kher kiba kynthup na Sohlap-Umdoh-Mawpot, Pyrkan, Jasir, Disong, Duba, Jamew, Nongrum, Rynsong Katonor, Nongnong bad Mawryngkhong. Ka Seng ka la ioh ban ai jingiarap ia kito ki longing kiba shah set slung ha la ing namar ka jingpang Covid-19 bad kumjuh ruh ia ki katto katne ki longing kiba duna ka ioh ka kot bad kiba la shah ktah namar ka jingkhangdam kaba lah pynbna da ka Sorkar bad ka jingbym ioh kamai ka jong ki . Wat la kidei ki jingai kiba rit hynrei na ka liang ka Seng ngi ngeit ba kin long ka jingiarap ia kine ki Parshnong ki parathaw ki jong ngi ha kum kane ka por.
Khublei shibun
Sd/-
Aibok Swett
President
HYC-Shella Area Unit
