17-Jun-2021
PRESS RELEASE
BTENG NOH SYNNIANG KA HYC MAWLAI CIRCLE
Ka HYC Mawlai circle mynta ka janmiet jong ka 17/6/2021 ka la bteng ia ka Jingiarap na bynta kiba la shah ktah ha kane ka khangdam (Lockdown).
Ka Jingiarap ba ka HYC ka la kner ka long sha ki nongniah kali jong ka thain Mawsiatkhnam-Nongkohlew kumjuh ruh sha ka Dorbar shnong Mawlai Mawiong Rim.
Ki jingiarap ba ka seng ka la kner ki long da u khaw, umphniang/Dai bad piat.
Haba ai jingkren na uwei na ki Driver kali kamai, jong katei ka thain Bah K.Marbaniang u la ong ba u sngewnguh eh ba kum ka kynhun driver jong kane ka thain, ngi shah ithuh kyrpang ha ka HYC, ha kum kine ki sngi khangdam. U la ai khublei shibun eh ia ki jingiarap, ba ka HYC ka la ai sha kane ka kynhun. U la kyntu ruh ia ka HYC ba kan iarap ban pynkren lem sha ka sorkar, ba kan map ia ki khajna kali lyngba ka tnad transport, namar ba kim Shem la ioh kamai shuh bad ki la shu Im tang lait na ka iapthngan.
Ha katei ka jingialang ha Mawsiatkhnam por 2:30 pm la pyniaid da u Bah Alvin Thangkhiew bad la ioh ka jingkren lyngkot na u Asst GS ka Mawlai circle Bah Pynshai Lyngkhoi kumjuh ruh na u Vice President ka Mawdatbaki unit Bah Topaz Shangpliang bad ka jingduwai na u Bah Ophy Suting Publicity secretary Mawlai circle.
Ha ka por 5pm ka Seng ka la hiar sa sha Mawiong Rim ha kaba la pdiang sngewbha da u Rangbah shnong Bah Lyngdoh Nongpyiur bad ki nongkitkam shnong.
Ha kane ka jingialang ba lyngkot la ioh jingkren na u Publicity Secretary Bah Ophy Suting uba la ong kum ka kynhun ngi iaid na kawei ka jaka sha kawei pat ban kner ka Jingiarap katba lah la I bor, na bynta kito ki longiing kiba la shah ktah ha kane ka lockdown, ngi ngeit ba kine ki jingai kiba rit jong ngi, phin pdiang hun bad ai kin long ki jingkyrkhu ia ki khiew shet khiew tiew jong kito ki longiing, ba ka shnong kan sa Sam bynta.
La pynkut ia ka jingialang ha kane ka Sngi da ka jingduwai ba kyrpang ba u Blei un ioh ban pynkynriah ne pynkoit noh shisyndon ia kane ka khlam na u Bah Topaz Shangpliang, kumjuh ruh ka jingduwai ban pynkoit noh ia kito kiba dang don hapdeng katei ka jingpang Covid 19.
Kane ka long katkum ka kyrwoh ba la phah da u Bah Pynshai Lyngkhoi Assistant General secretary HYC Mawlai circle.