14-Jun-2021
Press release
Bteng ka HYC Mawlai circle ia ka Jingiarap sha ki Driver association
Ka HYC Mawlai circle mynta ka 14/6/2021 ka la bteng ia ka jingleh I synei sha ki Taxi Driver association jong ki lai tylli ki kynhun, kata ka Mawtawar Taxi Driver Owner Association (MTDOA) ka NEHU Taxi Driver Owner Association bad ka Association jong ki Driver ba shu running.
Kane ka Jingiarap jong ka HYC kadei namar ba ki drivers ha kine ki shi bnai tam, ki la duh kamai namar ka Lockdown ba la pynjari da ka sorkar namar ka khlam Covid 19.
U Bah Donboklang Kharlyngdoh President HYC Mawlai circle haba ai jingkren u la ong ba u sngewsarong ia lade ba udei u Khasi namar ba ka Jaidbynriew khasi kadei ka Jaidbynriew tip briew tip Blei.
Haba ong tip briew, tip Blei kamut ba ka Jingieit ka iaid ryngkat ryngkat, bad dei lyngba ka Jingieit bad ka kyntien tip briew ba ka HYC ka la jied ban ia kynduh bad phi ki Driver association ban kner kine ki jingiarap kiba rit eh, namar ngi tip ba phim Shem la ioh shuh ban kamai ha kine ki 2 bnai duna.
U la ong shuh shuh ba ka jinghiar jong ki Covid 19 cases ban ia nujor bad ki taiew ba la leit, dei lyngba ka jingdon jong ki longkmie longkpa kiba duwai lane kiba tip Blei. U la ba kum kiba ngeit ngi donkam ka Jingduwai kaba mar kylliang bad ngi kyrmen ba dei tang lyngba ka jingduwai, yn sa lah ban pynkynriah noh ia kane ka khlam na sla pyrthei, khnang ba ngin sa ioh ban kamai kajih biang kumba long ha ki por ba ladep.
Ia ka jingialang Sam jingiarap la pynlong ha ki ar jaka, kawei ha Mawtawar bad kawei ha marpyrshah ka skulbah NEHU. Kiba ai jingkren ha Mawtawar ki long u Bah C.Kharkongor Rangbah shnong Mawtawar, Bah Augustine Lyngdoh Vice President HYC Mawlai circle ha kaba la pyniaid ia ka jingialang da u President ka MTODA.
Ia ka jingialang ha NEHU la pyniaid da u Shanbor Marwein organising secretary HYC Mawlai circle bad la ioh jingkren na u President ka NTDOA Bah Naldrin Kharbuli , u Bah Bawan Nongsiej na ki Running Taxi Association bad na u President HYC Bah Donboklang Kharlyngdoh.
Ki nongialam jong kitei ki Association haba ai jingkren ki la pynpaw ka jingsngewnguh ia ka HYC Mawlai circle kaba la kynmaw lem ia ki ha kum kine ki por jong ka jingeh kaba ki ia kynduh namar ka khlam Covid 19.
La pynkut ia kitei ki jingialang baroh artylli da ka jingduwai na I Bah Topaz Shangpliang nongialam ka HYC Mawlai circle.
Kane ka long katkum ka kyrwoh ba la phah da u Asst GS HYC Mawlai circle Bah Pynshai Lyngkhoi.