Ka Seng kan sa Rakhe ia ka Lyngkhuh sngi Iap ba 184 snem jong u Syiem Tirot Sing Syiem, u Khlawait ka Ri bad ha kajuh ka por yn rakhe ruh ia ka jingdap San Snem jong ka jingseng ia ka Seng HYC ha katei ka sngi (2014-2019).
Ia kane ka jingrakhe yn sdang naduh ka por 12baje nohphai sngi ha U Soso Tham Auditorium, Shillong da kaba pynlong ia ka Jingialang ha kaba yn pyllait paidbah ia ka Website jong ka Seng bad kumjuh ruh yn pynlait ia ka Jingrwai ba kyrpang jong ka.
Yn pynbud ruh ia ka jingrakhe ia kane ka sngi da ka Concert jingrwai Khasi ha kaba ki Nongrwai kum ka Khmih Group, Bah Lam Syiemlieh, Bah Baladonbok Kharkamni nad ka kynhun, Bah Sambormi Lyngdoh bad Paralok, Bah Damanbha Nongsteng bad Bah Franky Kharumnuid bad kynhun kin wan ia shim bynta.
Ka Seng ka ai khublei ia baroh ki Para Ri ha kum kane ka sngi kynmaw kyrpang ia ka Jaidbynriew. Ai ba kane ka sngi kyrpang kan pynkhie im biang ha ngi ia ka mynsiem ieij ia la ka Ri bad ka Jaidbynriew bad kan iaineh shirta ha ngi ki pateng ba mynta bad ki ban wan baroh.
"Tur Shaphrang Shipai Ka Ri"
" Im Slem Ka Ri Bad ka Jaidbynriew Hynniewtrep"
Published on: 16-Jul-2019
